Խորհրդի անդամներ

Աստղիկ Բալայան

Աստղիկ Բալայանը մանկավարժական գիտությունների թեկնածու, դոցենտ է։
«ԿԶՆԱԿ» հիմնադրամի գնահատման մեթոդաբանության մշակման և մշտադիտարկման բաժնի մասնագետ է։
«Գլոբալ Բրիջ» կրթահամալիրի ծրագրի համակարգողն է։
«Ընթերցանությունը տարրական դպրոցում» ծրագրի փորձագետ է:
Մայրենիի տարրական դպրոցի չափորոշչի և ծրագրի, ինչպես նաև դասագրքերի համահեղինակ է։
Տասնյակ գիտական հոդվածների, ուսումնական ձեռնարկների հեղինակ է:
«Մանկավարժական մտքի փառատոն»-ի հեղինակն է և կազմակերպիչը:

Արմենուհի Ավագյան

Արմենուհի Ավագյանը մասնագիտությամբ լոգոպեդ է, մանկավարժական գիտությունների թեկնածու, դոցենտ։
Հետդոկտորական հետազոտությունը իրականացրել է Ֆուլբրայթ ծրագրի շրջանակներում Ապպալաչիան նահանգային համալսարանում (ԱՄՆ, Հյուսիսային Կարոլինա)։
«ԱՐՄԱՎ» շարունակական կրթության հիմնադիրն է։
20 տարուց ավել աշխատում է զարգացման առանձնահատկություններ ունեցող երեխաների հետ։
Ներառական կրթության փորձագետ է, դասընթացավար։
Տասնյակ գիտական հոդվածների հեղինակ է, մասնագիտական հանրագիտարանի, դասագրքի համահեղինակ։
Արմենուհի Ավագյանը Շերոն Դրեյփերի «Աղմկոտ լռություն» բեստսելեր վիպակի թարգմանիչն է։

Իրինա Փահլևանյան

Իրինա Փահլևանյան, ֆոնդհայթայթման, կրթության, ինստիտուցիոնալ զարգացման և կառավարման ոլորտի ավելի քան տասնհինգ տարվա փորձով։ Զբաղվում է մրցակցային նախագծերի առաջարկների մշակմամբ, դրամահավաք արշավներով և ԿՍՊ նախաձեռնություններով, ինչպես նաև առաջնորդության, ներկայացման և բանակցային հմտությունների դասընթացավար է:
Լինելով CMC և EFQM-ի որակավորված խորհրդատու և Ռիբակով հիմնադրամի 2020թ. «Կրթական համայնքի առաջնորդ» մրցանակակիր՝ նա համագործակցում է մի շարք միջազգային և տեղական կազմակերպությունների հետ։
Ունի մագիստրոսի կոչումներ միջազգային հարաբերություններում (ԵՊՀ), ինչպես նաև ֆոնդահայթայթման ու բարեգործության գիտությունների ոլորտում (Քենթ, ՄԲ)։
«4090 Բարեգործական» հիմնադրամի գործադիր տնօրենն է։
«Ինդիգամի» մանկական զարգացման կենտրոնի համահիմնադիրն է։
Երեխաների ու դեռահասների համար նախատեսված «Խելքի կտոր» ինտելեկտուալ խաղերի համահեղինակն է։
Հանդիսանում է Միջազգային առևտրային պալատի հայաստանյան գրասենյակի խորհրդի փոխնախագահ և ղեկավարում է «Կորպորատիվ կենսակայունություն» կոմիտեն:
Իրինայի փորձն ու նվիրումը կրթության ու զարգացման ոլորտում նրան դարձնում են ճանաչված մասնագետ ու առաջնորդ:

Փիրուզե Մանուկյան

Փիրուզե Մանուկյանը մասնագիտությամբ կենսաֆիզիկոս է։
Աշխատել է Երևանի Հրաչյա Աճառյանի անվան թիվ 72 միջնակարգ դպրոցում որպես կենսաբանության ուսուցիչ և փոխտնօրեն։
Ունի բնապահպանական գիտությունների և քաղաքականության ոլորտի մագիստրոսի կոչում։
Աշխատանքին զուգահեռ մասնակցել է մի շարք միջազգային կոնֆերանսների, սեմինարների ու դասընթացների։
Ունի դասընթացավարի միջազգային հավաստագիր։
Համագործակցել է մի շարք միջազգային կազմակերպությունների հետ, այդ թվում՝ Բաց հասարակության ինստիտուտի, ԱՄՆ Խաղաղության կորպուսի, ԱՄՆ ՄԶԳ-ի հետ,
Բնապահպանական մի շարք ծրագրերի շրջանակներում եղել է Բնապահպանության նախարարության ծրագրերի իրականացման գրասենյակի փորձագետ։
Աշխատել է Փրոջեքթ Հարմոնի կազմակերպությունում որպես կրթական վերապատրաստումների համակարգող, այնուհետև փոխանակային ծրագրերում՝ ծրագրի համակարգող:
ՀԿ ոլորտում ունի մոտ քսանհինգ տարվա աշխատանքի փորձ։